Постепено укинување на границите e предлогот на ЕУ раководството. Целта е да се рестартира туристичка индустрија, погодена од пандемијата на коронавирус. Четири прашања се важни: граници, патување, ваучери и здравје.
„Нашата порака е дека ќе имаме туристичка сезона ова лето“, изјави комесарот за економски прашања, Паоло Џентилони, „дури и ако е потребно со безбедносни мерки и ограничувања“.
Границите се затворени низ ЕУ, вклучително и безграничната Шенген зона. Но, државите почнуваат повторно да ги отвораат.
Австрија и Германија станаа најновите земји на ЕУ, кои се согласија да ги отстранат патните ограничувања.
Од петок ќе има случајни проверки на граничните премини, а потоа на 15 јуни треба да продолжи слободното движење. „Ние сакаме да го олесниме секојдневниот живот на луѓето и да направиме уште еден чекор кон поголема нормалност“, изјавил канцеларот Себастијан Курц.
Патниците во Велика Британија веќе се предупредуваат да не очекуваат „раскошни“ меѓународни празници, со план за 14-дневен карантин доколку користат авион. Сепак, патувањето без карантин ќе биде можно во Франција и Ирска.
Извор: BBC.com
