Во текстот не се дадени изјави од релевантни извори, а понудените слики не можат да се третираат како доказ за тврдењата дека Google го избришал македонскиот јазик. Овие тврдења се засновани на анонимни извори, презентирани во статијата како “корисници на Gmail”, што ја прави статијата ирелевантна.

Google е приватна компанија која обезбедува многу различни услуги, претпоставувајќи дека ја следи пазарната логика, како и секоја друга компанија. Една од услугите што ги нуди е Gmail. Утврдената пракса на Gmail да ги понуди своите услуги на различни јазици беше злоупотребена со цел да се поттикне националистичка еуфорија дека постои заговор против Македонија. Вистината е дека постојат приближно 7000 јазици во целиот свет, а Gmail функционира на 74 јазици. Македонскиот јазик никогаш не бил вклучен, како и јазиците од регионот, како што се албанскиот, црногорскиот и босанскиот јазик.

Меѓутоа, постојат и други услуги што Google ги нуди на македонски јазик, а кои функционираат совршено, како што е пребарувачот на Google, со екстензијата google.mk и translate.google.com.

Целиот текст е збунувачки и манипулативен, дури и за тимот на F2N2 кој имаше дилеми што да треба да разобличува. Покрај тоа, се чини дека т.н. Gmail корисници го „откриле“ Gmail дури во август 2018 година, па затоа авторот е изгубен во преводот.