Текстот не нуди никаков доказ дека YouTube отстранил македонска песна, како дел од „политичка акција“ врз база на Преспанскиот договор. Исто така, нема доказ за постоење на ваква изјава или линк каде што може да се провери дали Грчката дијаспора навистина го барала тоа. Договорот од Преспа не предвидува никакви активности поврзани со ова прашање. Дури и во случај Грчката дијаспора да го барала ова, YouTube е приватна компанија која не може да ги задоволи ваквите барања, без оглед од кого доаѓаат. Пребарувајќи го YouTube во средината на Февруари 2019 година, можеше да се најде огромен број на песни означени како „македонски“ (Macedonian), како што може да се види тука.

Вообичаената практика за манипулација со читателите е преку злоупотреба на „термини“, во овој текст – „Договорот од Преспа“, „Бисер Балкански“, „починатиот автор“, „авторски права“, да предизвикаат забуна и нелогичност. Дополнително, ваквиот наратив е употребен за политички цели против Договорот од Преспа.

Ова значи дека на пример, Вие можете да побарате од YouTube да ги отстрани сите песни на David Bowie затоа што не Ви се допаѓа неговата музика. Ова е се разбира невозможна мисија.