Дезинформација бр:
#19
Дата:
14.04.2019
Извор:
twitter.com
Време на читање:
3 мин.
ОПИС НА ДЕЗИНФОРМАЦИЈА
Оригинален наслов на статијата: ПО ДЕБАТАТА НА СИТЕЛ, ПЕНДАРОВСКИ ЈА ПРОМАШИЛ КОЛАТА-ВЛЕГОЛ ВО АВТОМОБИЛОТ НА СИЛЈАНОВСКА
На 14-ти април кај одредени медиуми се појави дезинформација во која се наведува дека кандидатот за претседател од СДСМ, Пендаровски, нервозен и возбуден по жестоката дебата во емисијата „Детектор“ на ТВ Сител, го промашил своето возило. Имено, според нивните сознанија, наместо во автомобилот со кој дошол во телевизијата, Пендаровски влегол во автомобилот од кандидатот на опозицијата, Гордана Силјановска-Давкова. Сето ова потекнува од еден навидум сеирџиски твит во прашална форма.
Линк до оригиналниот tweet
Други портали кои ја објавија веста: Republika.mk; markukule.mk; magazin.mk; lider.com.mk
Линк до архивираната оригинална статија тука
РАЗОБЛИЧУВАЊЕ НА ДЕЗИНФОРМАЦИЈА
Социјалните медиуми често се користат како извор на “веродостојни“ информации со кои понатаму се шпекулира и се манипулира јавноста. Таков е и случајот кој е предмет на ова разобличување, каде од еден твит превземен од портал понатаму се прави вест од епски размери. Се разбира веста е лажна затоа што многу брзо беше демантирана од страна на самиот кандидат за претседател, Стево Пендаровски. Спинувањето на твит во прашална форма е искористено за дискредитација на еден од кандидатите. Ова е пример како еден твит може да стане лажна веста со брзина на светлината.
