Rregullatorët amerikan kanë konfirmuar se vaksina kundër koronavirusit e Pfizer dhe BioNtech është 95% efikase, duke hapur rrugën për miratimin e saj për përdorim emergjent.
Administrata Amerikane e Ushqimit dhe Barnave (FDA) e konsideron të sigurtë miratimin e vaksinës.
Për herë të parë publikohen të dhëna të tilla të hollësishme për vaksinën, ndërsa Britania e Madhe tashmë ka filluar vaksinimin masiv.
FDA do të takohet të enjten, 10 dhjetor, për të marrë një vendim zyrtar.
Agjencia ende nuk e ka aprovuar vaksinën, por publikoi dokument ku thuhet se të dhënat e ekzaminimeve “përputhen” me rekomandimet e paraqitura në udhëzimet për përdorim në raste emergjente.
Rregullatori i Britanisë së Madhe, MHRA, miratoi vaksinën javën e kaluar.
Burim: BBC